Dunfermline Athletic

TO A HAGGIS

The Address to a Haggis by Robert Burns

Fair fa' your honest, sonsie face,
Great chieftain o the puddin'-race!
Aboon them a' ye tak your place,
Painch, tripe, or thairm:
Weel are ye wordy of a grace
As lang's my arm.

The groaning trencher there ye fill,
Your hurdies like a distant hill,
Your pin wad help to mend a mill
In time o need,
While thro your pores the dews distil
Like amber bead.

His knife see rustic Labour dight,
An cut you up wi ready slight,
Trenching your gushing entrails bright,
Like onie ditch;
And then, O what a glorious sight,
Warm-reekin, rich!


Then, horn for horn, they stretch an strive:
Deil tak the hindmost, on they drive,
Till a' their weel-swall'd kytes belyve
Are bent like drums;
Then auld Guidman, maist like to rive,
'Bethankit' hums.

Is there that owre his French ragout,
Or olio that wad staw a sow,
Or fricassee wad mak her spew
Wi’ perfect sconner,
Looks down wi sneering, scornfu’ view
On sic a dinner?


Poor devil! see him owre his trash,
As feckless as a wither'd rash,
His spindle shank a guid whip-lash,
His nieve a nit:
Thro bloody flood or field to dash,
O how unfit!

But mark the rustic, haggis-fed,
The trembling earth resounds his tread,
Clap in his walie nieve a blade,
He'll make it whissle;
An’ legs an’ arms, and heads will sned,
Like taps o’ thrissle.

Ye powers, wha mak mankind your care,
And dish them out their bill o fare,
Auld Scotland wants nae skinking ware
That jaups in luggies:
But, if ye wish her gratefu’ prayer,
Gie her a Haggis!



views: 755
SCOTTISH CRAFT BUTCHERS

SCOTTISH CRAFT BUTCHERSThe Points of Difference
Your Natural Choice

Read more

Who are Scottish Craft Butchers

Who are Scottish Craft Butchers"Scottish Craft Butchers" is the consumer facing branding for members of the Scottish Federation of Meat Traders Association

Read more

WE ARE THE CHAMPIONS

WE ARE THE CHAMPIONSA list of all the current Scottish Champions from meat product competitions.

Read more

COOKING WITH MEAT DVD

COOKING WITH MEAT DVDA DVD that was specifically produced to assist butchers inform both their staff and their customers on the best ways to cook meat.

Read more

LIKE US ON FACEBOOK

LIKE US ON FACEBOOKScottish Craft Butcher Facebook page

Read more

To top